तिमी आऊ

OLYMPUS DIGITAL CAMERA

 

__चिरायु रेग्मी

रंगिन बनेर आऊ, या रंगहीन बनेर आऊ

साधु बनेर आऊ, या संगीन बनेर आऊ,

संसार बनेर आऊ, या शून्य बनेर आऊ,

पाप बनेर आऊ, या पुण्य बनेर आऊ ।

 

भिरुले नमन गरेझै, घुंडा धसेर आऊ, या

मुर्मुराऊदै, कराउदै- मुठ्ठी कसेर आऊ,

काली न काली, महाकाली बनेर आऊ,

भयङ्कर  शक्तिशाली बनेर आऊ,

हुंकार गर्दै क्रुद्ध बनेर आऊ, या

चुपचाप बुद्ध बनेर आऊ,

तिमि शान्त शिला बनेर आउ, या

उन्मत्त लिला बनेर आउ।

 

औंसीको कालो बनेर आउ, या

एकदम उज्यालो बनेर आउ,

मुर्ख बनेर आउ, या

वाल्मिकी, वेद व्यास बनेर आउ,

एकनास मिलेको विन्यास बनेर आउ, या

केर मेर, अस्पस्ट अत्यास बनेर आउ।

 

आगतको आशा बनेर आउ, या

पाण्डवको पाशा बनेर आउ,

प्रश्न बनेर आउ, या तिमी

परिभाषा बनेर आउ।

 

कोलाहलमा आउ , कि समाधीमा आउ

पत्झर झै उड्दै तिमी,

आँधीमा आउ !

 

आकुल व्याकुल रातमा आउ, या

फूल लिई अन्जुलिमा,

प्रभातमा आउ।

झम्टिदै अंगालोमा बाँधिन आउ, या

थोरै टाढा बसेर मुस्कुराउ,

दृश्य बनि आउ तिमी , श्रव्य बनि आउ,

गुमराह यो ग्वालोको, गन्तव्य बनि आउ।

 

तिमी  आउ,

यो जीवन जगाउ !

 

 

2 comments on “तिमी आऊ

  1. Gunjan says:

    Beautiful!!! loved the contrast…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s